تحت المطر

مـدخل .. }

قلت المطر قالت من اليوم ديمه
ما به رعد لا برق ما غير هتان

عشقٍ جمع ما بين قاعٍ وغيمه
فيض على صدر الثرى دمع الأمزان

همس النديم اللي يعاتب نديمه
صوت المطر كنه تعاتيب خلان

وتبسمت لأجل الليالي القديمه
وقالت تذكر قلت يابنت نسيان .. }











مخرج ..}

نقض الجروح اللي تشافت ظليمه
ما عاد به وصلٍ ولا عاد هجران

وما للرجا في بعض الأحوال قيمه
ومال العمى صبحٍ ولو بات سهران

لو للزمن عن نية الغدر شيمه
ما فرق أحبابٍ ولا بعد أوطان

كلٍ خصيم .. وذاق لوعة خصيمه
واللي خصيم الوقت يا بنت خسران ..}